KSE nuujs flits nr. 2: 12-02-2006
Nuuje
mitwirker:
Saer veurge waek mondig, höbbe veur einge geweldige nuuje mitwirker
aan de waage.
Dit is Paul Schrooten, eine bekende van Pascal (de opper vormer).
Paul haet ummer mit de fitsklup “De Adelaar” waages geboewd,
dus eine echte rot in ’t vak.
Paul is eine echte alles kènner, mèr zèt 't leifsjte
draod.
Veer heite hòm dan auch Wilkòm en vööl wirk plezeier
bie KSE.
Plèk
pepier:
Eine van òs mitwirkèj hauw de opdrach òm bie eine
van oos sjponsoren gèt gezette pepier op te haole, ’t zou
vaerdig sjtaon dus hae haufde ’t allein mèr in te laaje.
Dao aan gekomme sjtong wie gezag eine pellet vaerdig mit versjillende
gezette zowie; MeM, trompetter, woonkrant, autokrant envm. Wie hae alles
hauw ingelaaje en wieer nemès zauch, is hae nao de hal gevaare
òm ’t pepier oet te laaje. Bie ’t bedrief van de gezette
waar d’r in de tösjetiet penik wènt d’r sjtong
ein bedrief die eine pellet gezetjes kwaam haole, mer die waare weg. Noe
höbbe aafgelaope waek 300.000 hoeze gein waekgezet gehad wènt
die sjtoon bie KSE in de hal en veur ein gedeilte al verwirk in de waage.
Waageboe:
Op dènsdig 07/02 höbbe Pascal, Etienne en Roy door d'n daag
aan de waage gewirk. Van 't sjmeuges 07.00 oer pès ’t sjnachs
0.30 oer. Dit is ein gaanse pristaatie, Jungès bedank !!
‘t resultaat is gelökkig auch aan de waage te seen, veer seen dan auch aufgelaope waek redelik opgesjaote, mèr d’r is noch eine houp te daon. Dus kòmp allenei mit auwesj, sjoonmoder, kènjer, vrunj en anger bekende wirke aan de waage. Dees waek mòtte veer ganz gèt plekke.
Walse:
De lak op de walse wilt neit hauwte, dao om hòbbe veer experimente
door DSM en TNO laote doon, mèr auch sie komme d’r niet oet.
Noe hòb veer dan mèr zelf besjaote òm ze te bekleie
mit foam. Dit is noch ganz get wirk, dus es geer emes weit dae zich dao
mit bezich kènt hauwte, gaef ‘t door, dan komme die hopelik
auch vaerdig.
Valentijnsaovend
bie de KSE:
Wie al eerder berich, is d’r op valentijnsdaag 14/02 eine sjpisjaale
aovend bie de KSE. Laot uch verasje en kom mit uch geleifde nao de hal
en belaef ’t KSE valentijnsgevuil. Veur drank, aete en een valentijnskedoo
wurd gezörg, dus seet dao.
Plèk
versjterking:
Op ’t galabal hòbbe veer get luuj aangesjpraoke, die waal
èns die òs höbbe mitgewirk aan de waage, mèr
noe neit mee kòmme. Wie belaof komme ze òs dees 2 lètste
waeke helpe. Veer zölle aafwachte.
Nach
van de hal:
Achter de sjèrme wurd d’r al weier drök gewirk aan de
nach van de hal. Nao de suksesse van de lètste jaore, wille de
luuj ummer mee en sjprik ’t zich auch al boete de hal rondj. De
VVV en ANWB höbbe ‘t zelfs al in hun beukske opgenòmme
en noe blik, dat d’r al ganz get bösse vol gebauk seen òm
te komme kieke.
Chinees
aete in de hal:
Aafgelaope vriedig sjtong Pascal (de opper vormer) op de sòpkèlender.
Om 21.30 oer hauwe ein paar man hònger en d’r wurd gevrao
wenee de sòp sau komme, mèr Pascal zei, “ich maak
dit noch effe vaerdig en dan maak ich ’t aete klaor. Om 22.00 oer
waar ’t dan zo wiet. Ein ganz groote pan mit eine Ø van 1
maeter wurd op de taofel gezat, d’r naeve noch ein pan en dao bie
noch eine kaetel. ’t Waar ein heerlikke chineesse riestaofel die
hae ganz zèlf hauw vaerdig gemaak. D’n daag dao nao hauwe
de anger luuj d’r noch las van wènt d’r waar goud mit
de knoflauk gewirk. ’t waar heerlik en höbbe hòm noch
ein paar keer oppe Sòpkèlender gesjreve.
Wirke op Zòndig in de hal:
Roel Hendrikx zuut ’t gevaor auch in dat veer mit de tiet in de
probleme komme. Dao om haet hae ès veurman van de plèklpoug,
zich get luuj gemobiliseierd en höbbe sie (Sjeng, Tom, Max en dan
noch ein paar man) aafgelaope zòndig aan de waage gewirk. Dit is
toch geweldig dat d’r noch luuj seen, die dit veur KSE euver höbbe.
Vrunj
oet ‘t lömmerigerveldj:
Os vrunj oet ’t Lömmerigerveldj van de
Brand Taverne, zulle òs kommende waeke gèt daag komme helpe
mit plèkke. Hopelik sjiete veer dan goud op en kriege veer de waage
oppe tiet vaerdig.
Dit
waar ’t pès noe toe. Alaaf
®oger
Sjleutel van de kès:
De
KSE kès in de hal zeen nèt fort Nox, dees sjleute veer 't
saoves aaf
angesj klauwe ze oos alles. Bènne oos klup zeen d'r ein aantal
luuj die van
dees kès eine sjleutel höbbe. Sjleutel-bezitter bie KSE, is
ein ganz
wichtige taak. Oppe tied in de hal, kès aope maake, kaffe maake,
sjtekkisj
insjtaeke, rolle draod veerdig legge, pap maake, ect. Mèr ès
dees
sjleutel-bezitters d'r neit seen, de sjleutel vergaete höbbe, gèt
later
kòmme, of waat dan auch, dan kènt geine gèt. Noe
is dit al ènkele keere
veurgekòmme en dat is eelènj veur de luuj die van alles
wille daon en niks
kènnen daon.
Dao
òm hòb ich meine sjleutel op ein geheim plaatjs gehange
(zal in 't
geheim aan de leede waere bekènt gemaak), zodat jeederein dae kömp,
drèk
kènt beginne en neit op eine sjleutel-bezitter hauf te wachte.
Betoniezer
Peter en Roger gaon gauwekoup iezer haole in Haelen:
Afgelaope zaoterdig moesj d'r get iezer gehaold waere ein stang of 50-tig
wurd gezag.
Dao 't d'r neit zo vööl waare, hauw Roger gedach, dees geweun
bie Janssen
iezer in Zitterd te haole.
Peter en Roger höbbe eesj noch effe 't ein en anger mòtte
doon veurdat ze
koosjte vèrtrekke (sjtiegerplank haole, bootsjappe veur in de hal,
ect.)
Veurdat ze ginge vèrtrekke, wurt d'r noch èns effe mit Erwin
gebeld, of hae
toch noch èns effe bie Menten in Haelen koosj belle waat 't dao
zou koste.
Ganz versjrik belde hae trök, dat veer mètein nao Menten in
Haelen, moosjte
vaare, wènt dao waar 't iezer vööl gauwekouper ès
bie Janssen. Veur de
50-tig sjtange bie Menten EUR 45,- en bie Janssen EUR 115,-
Dus
gaas gaeve wènt 't waar 11.35 oer en Menten sjlout òm 12.00
oer.
Gelökkig hauw Roger gèt kontakte en Menten bleef aope pès
die 2 van Zitterd
dao waare (haet òs waal ein doos bonbons gekòs). Wie veer
die bössel iezer
zauge, ginge veer vraoge waat 't zau koste ès veer d'r 100 of missjien
waal
200 lengdes kochte. Dus 't kantoor op en dao sjlaog òs de sjrik
òm 't hart.
"T iezer waat veer neudig hauwe koste gein EUR 45 veur de 50 lengdes
mèr EUR
112,- wènt d'r waar tilefonisj gevraog veur betoniezer en neit
veur
glaadiezer. Dus toen hauwe veer ein probleem, ganz nao Haelen gevaare
en
bèkans net zo duur ès bie Jannnsen in Zitterd. Toen waar
gauwe raod duur.
Nao hoes en dan mèr gein iezer, of ongerhanjele. Nao ganz get ongerhanjele
en zeivere mit Christien (lekker wiefke en de vrouw van de baas), höbbe
veer
't iezer toch noch aan de gauwekoupe pries mit gekrege en hòb veer
metein
mèr 100 lengdes gekoch. Dus hauw de rit nao Haelen zich toch noch
geleunt.
Euverdaag wirke in de hal:
Dao veer noch ganz vööl aan de waage mòtte doon en dènke
höm neit vaerdig
kriege, höbbe zich ein deil man vriegepak bie de baas en gaon euverdaag
wirke aan de waage. Gesjtart wurt op dènsdig 07/02 om 10.11 oer.
De gròp
besjteut pès noe oet: Pascal, Etienne, Roy en Peter. Es geer op
de
aangegaeve daag niks te doon hòb, kènt geer hun geweun gaon
helpe, dan keump
de waage haopelik veerdig.
Sjponsoren:
Roger haet eine breif opgestèld en Erwin haet alle meugelikke sjponsoren
dae
breif gesjik wo in zie alvast bèdank waere veur hun biedrage. Auch
die luuj
begriepe (haopelik) dat veer 't geldj ganz hèl neudig höbbe
en ze òs wille
sjponsere.
Es
geer noe in uch direkte òmgaeving luuj of bedrieve kènt
die òs geer wille
sjponsere, gaef 't dan door aan Erwin en hae zal ze op ein nètte
mèr waal
directe meneier benadere.
Sjweilampe :
De sjnaake van Elma en Jan (Max en Tom) hauwe veurige waek, bie de 1-Euro
sjop in Zitterd ein blauwe sjweilamp gekoch, die veer op de helme koosjte
maake, jaomer genoch waare dees lampe blauw. Nao ganz gèt belle
en
ongerhanjele mit ein dutsje firma oet Drensteinfurt en auch noch ganz
gèt
anger pruisje bedrieve, höbbe veer ze oeteindelik weite oet te haole
bie
Heuts in Zitterd.
Dus hie oet blick al weiere, dat veer die pruisje neit neudig höbbe.
Sjpaanse waalse:
Dao os motto is: Veer walse de sjtraote plat veur de Zittisje optoch,
hauw
veer òs bedach dat de gròp mit waalse (ein soort graas walse)
zou laope.
Hieveur haet Erik ganz oet Sjpanje ein 20-tig tal kunsjtof vaate weite
te
regele. Dees vaate mòtte veer waal noch ganz behanjele, sjpuite,
en beugels
aan maake. Dus auch noch ganz gèt wirk, net wie de res van de waage
en gròp.
Frit aete op zaoterdig:
Op zaoterdig kriege veer normaal frit in de hal en zo waar 't aafgelaope
zaoterdig auch. Lejao van Noord ging frit haole en vraug of KSE auch frit
wou höbbe en dat leite veer òs neit aan de naas vèrbie
gaon. Wie hae trök
kwaam hauw hae gèt vööl bie zich (wurd zeker door de
buurt betaald). Veer
höbbe òs de frit goud laote sjmaake, mèr omdat Lejao
't besjteld hauw, moosj
hae 't auch op aete. En dat haet hae dan auch mèr gedaon enwaal;
3x eine
groote frit sjpisjaal, 4 krokette en 5 frikkedelle. En alles waar op.
Waal
mòt KSE noch de hèlf van de raekening aan Noord betaale
en waal EUR 24,-.
Valenstijnsaovend in de hal:
Op 14 fibberwaari is 't wiet geer wèt valenstijndaag. Dao dit eine
sjpisjaale daag is veur verleifde, luuj die zich leif höbbe en anger
getrouwde, liek 't òs waal ganz gèt om deeze aovend mit
uch geleifde in de
hal te komme viere. Geer hauf dan neit nao ein sjik resterant te gaon
aete
mit kerse oppe taofel ect. wènt dao zörg KSE waal veur.
Dus numt eur geleifde mit en kòmt allenei op valentijnsaovend nao
de hal en
laot uch verrasje, dit is gein grap dus laot effe weite of geer waal of
neit
komt, ivm 't aete en d'n drank. Hiedoor wurd 't (wij gevoel) baeter en
zal
de waage haopelik aafkomme.
Pès hie 't lètste nuujs van KSE. Volgende waek maondig geit
't wieer.
®oger
